E ardhmja e Thomas Strakoshës është një mister. Portieri shqiptar ka humbur vendin e titullarit te Lazio dhe duket se aventura e tij me bardhekaltrit është afër fundit.
Kontrata e Strakoshës skadon në vitin 2022 dhe, sipas “Radiosei”, Lazio nuk ka ndërmend t’i ofrojë rinovimin.
Strakosha ka zhvilluar 171 takime me Lazion duke u konsideruar për shumë kohë si një nga pikat më të forta të skuadrës por në vitin e fundit gjërat kanë ndryshuar keq për shqiptarin ndërsa largimi shihet si hapi pasardhës i gardianit të kombëtares.
