Policia spanjolle zbarkoi sot në zyrat e Barcelonës, ndërkohë që pati edhe arrestime për shkak të çështjes Barça Gate. Një prej atyre që e ka pësuar është ish-presidenti Josep Maria Bartomeu.
Oscar Grau, CEO i katalanasve, si dhe Gomez Ponti, avokati i klubit, gjithashtu janë shoqëruar në polici.
Në një reagim të bërë së fundmi, klubi i Barcelonës pranon se policia ka qenë e pranishme në ambientet dhe zyrat e klubit për të kërkuar informacion dhe për të marrë dokumentacione të ndryshme për të vijuar me hetimet.
Reagimi i FC Barcelonës:
“Barcelona ka ofruar bashkëpunimin e plotë me autoritet ligjore dhe policore për të ndihmuar në zbulimin e fakteve që janë objekt i hetimit.
Informacioni dhe dokumentacioni i kërkuar nga policia gjyqësore ka të bëjë vetëm me faktet në lidhje me këtë çështje. Barcelona shpreh respektin e saj të madh për procesin gjyqësor të zbatuar dhe për parimin e pafajësisë së supozuar për njerëzit e prekur brenda fushës së këtij hetimi”.
ℹ️ Official statement from FC Barcelona
— FC Barcelona (@FCBarcelona) March 1, 2021
