Një sulm kibernetik është shënuar këtë të dielë në Ministrinë e Financave në Kosovë. Mediat vendase bëjnë me dije se sulm kibernetik pati pikërisht në Departamentin e Tatimeve në kuadër të MF-së.
Sulmi në fjalë është konfirmuar edhe nga ministri në detyrë, Agim Krasniqi. Krasniqi shkurt tha se posedon informacionin se ka pasur një sulm, por që tashmë janë duke mbledhur informacionet më të hollësishme.
Sipas të njëjtit, ky sulm nuk e ka dëmtuar diçka sistemin dhe se po merren me këtë çështje që të rregullohet.
“Kemi informacione për këtë sulm, por që tashmë po merremi më tepër me të, për të shikuar nga afër se çfarë saktësisht ka ndodhur”, ka thënë ai për mediat.
