I riu 16-vjeçar që ndërroi jetë në spital, pak orë pas aksidentit të ndodhur pasditen e djeshme në Sukth, është djali i kryetarit të njësisë administrative të Sukthit Rrapo Osmani. Viktima është identifikuar si Flavio Osmani.
Flavio Osmani ka qenë drejtues i automjetit tip “Renault” i cili u përplas një mjet tip “Benz”.
Policia njoftoi mëngjesin e sotëm se në lidhje me këtë ngjarje është vënë në pranga drejtuesi i Benz-it, Gj. B., 54 vjeç, banues në Durrës, për veprën penale “Shkelje e rregullave të qarkullimit rrugor”.
Tashmë materialet hetimore në lidhje me këtë ngjarje i kanë kaluar Prokurorisë së Rrethit Gjyqësor Durrës, për veprime të mëtejshme.
