Kreu i FRPD, Belind Këlliçi, njëherazi një nga drejtuesit politik të PD në Qarkun e Tiranës, ka vijuar takimet në zonën e Kombinatit, me banorë, banesat e të cilëve janë dëmtuar nga tërmeti i 26 nëntorit 2019.
Këlliçi në një postim në rrjetet sociale, shkruan se bashkë me ekipin e Grupseksionit 3 të PD inspektoi pallatet e dëmtuara nga tërmeti, ndërsa banorët refuzojnë të dalin nga shtëpitë.
“Shtëpia është gjithçka kanë. E gjithë jeta e tyre qëndron brenda atyre mureve. Duan garanci se ç’do bëhet me ta. Një dokument apo shkresë e rregullt, jo fjalë që i merr era. Shteti serioz punon me shkresa.
Kanë kaluar 14 muaj nga tërmeti dhe ka ende pallate të dëmtuara që qëndrojnë në këmbë. 25 prilli do e ndajë këtë punë njëherë e mirë”, shkruan Këlliçi.
