Florian Marku ka rrëmbyer skenën pas triumfit me Rylan Charlton. Boksieri shqiptar ka komentuar duelin e zhvilluar të shtunën në Londër dhe thekson se boksieri britanik nuk ishte në nivelin e tij.
“Ishte një ndeshje e fortë, por Rylan nuk është niveli im. Unë jam i një tjetër niveli dhe më besoni se jam në 40 për qind të kapacitetit tim tani.
Shpejtësia dhe eksperienca ime janë e tjetër niveli, siç e tregova në ndeshje. E mora me relaks ndeshjen, me goditi një moment, por humba ekuilibrin. Nuk ishte ndonjë goditje e fortë”, shprehet fillimisht Marku në intervistën e dhënë për Joe Leigh.
“Vetëbesimi im është i një tjetër niveli, nuk gjeni dikë që beson kaq shumë te vetja. Unë besoj 100 për qind te vetja. Nuk shkoj kurrë në një ndeshje dhe të mendoj se djali tjetër mund të më mundë. Mund të më sillni edhe Tyson (Mike), por kurrë nuk e mendoj. Brenda vetes mendoj se jam më i miri. Nëse mendon se mund të humbësh, e ke humbur ndeshjen pa nisur”, tha boksieri shqiptari.
