Ish-ministri i Drejtësisë Nasip Naço i është përgjigjur sot deklaratave të Presidentit Ilir Meta, sipas të cilit ata që po i bashkohen Rilindjes sot janë llumi i LSI.
Naço, ish-deputet dhe ish-ministër i LSI, i cili së fundmi iu bashkua Rilindjes, ku do të kandidojë për deputet në qarkun e Beratit, duke u renditur i 5-ti në listën shumëemërore, e cilësoi Metën si ajkën e kombit.
Naço theksoi se nuk do të merret me komentimin e të shkuarës por me të ardhmen dhe të tashmen e Shqipërisë.
“Nuk kam asnjë koment më shumë, se të them nuk pres asgjë nga ajka e kombit në këtë drejtim, nuk dua të merrem me të kaluarën, por me të tashmen dhe të ardhmen e Shqipërisë.
Ju keni qenë i pranishëm me takimet që kemi bërë, sot duke respektuar rregullat anti-COVID. Në mënyrë vullnetare 120 gra, të pastra, dhe jo llumi, mbështetën PS-në”, tha Naço.
