Një anti-viral nazal i prodhuar nga studiues të Kolegjit Vagelos të Mjekëve e Kirurgëve në Universitetin Columbia në New York ka arritur të bllokojë transmetimin e SARS-CoV-2 te kavjet, përfshirë edhe variantet e fundit të coronavirusit.
Spray nazal është zhvilluar nga Matteo Porotto dhe Anne Moscona, profesorë në Katedrën e Pediatrisë dhe drejtues të Qendrës për Ndërveprimin Pritës-Patogjen, dhe është dizenjuar të parandalojë coronavirusin që të hyjë në qelizat e pritësit.
Anti-virali nuk është i shtrenjtë për t’u prodhuar, ka jetë të gjatë magazinimi dhe nuk kërkon ruajtje në frigorifer. Ai mund të jetë ideal për parandalimin e coronavirusit në SHBA e kudo në botë, pasi mund të përdoret nga njerëz të të gjitha shtresave e në zona të largëta.
Mbrojtja nga spray zgjat të paktën 24 orë, ndërkohë që dy shpikësit e tij kanë zhvilluar në të shkuarën spray nazal të ngjashëm edhe kundër viruseve të tjerë.
