Këngëtarja e njohur shqiptare, Fifi, publikoi dje një video nga një koncert që ka mbajtur për 13-vjetorin e pavarësisë së Kosovës. Në videon që këngetarja publikoi dalloheshin qindara qytetarë që festonin dhe kërcenin nën ritmet e këngëve patriotike që ajo këndonte, duke thyer çdo rregull të pandemisë që po e vuan i gjithë rruzulli tokësor.
Pas publikimit të kësaj videoje, kanë qenë të shumta kritikat drejtuar këngëtares, e cila sipas tyre nuk ka marrë parasysh pasojat që mund të ketë sjellë gjithë ky tubim njerëzish.
Katastrofë fifi! Normal faleminderit Ferizaj, se të kanë rras pare! Me peshën që e ke humb, të ka humb dhe truri…”, “Kjo nuk është normale, virus gjithandej”, “Seriozisht e keni ju mor??!!
Vetëm kur t’ju ndodhë gjëma në shpi ju mbushet koka ju!! Si s’ju vjen gjynah për gjyshërit e prindërit tuaj! Njerëz të pamoralshëm! Më saktë VRASëS!!”, “Unë nuk e di çka ju kushton me pas pak përgjegjshmëri si popull. Nuk jena tu kalu nëpër kohë të këndshme ej, me qindra njerëz janë t’u vdek nëpër botë dhe Kosovë.” shkruanin disa nga ndjekësit.
Sulmeve drejtuar saj, Fifi iu përgjigj me disa video në InstaStory, ku sipas saj ajo ka sakrifikuar duke rrezikuar veten në mes të gjithë atyre individëve pa maska që përqafoheshin e festonin Pavarësinë.
“Mos prekni aty ku nuk duhet, se jam 11 muaj pa punë, unë dhe të gjithë artistët e tjerë”, u është drejtuar Fifi ndjekësve të saj.
