Fjoralba Ponari pak ditë më parë zbuloi se ishte infektuar sërish me koronavirus pas disa muajsh kur u prek për herë të parë. Moderatorja zbuloi se simptomat ishin më të rënda sesa në infektimin e parë, pasi përpos temperaturës dhe kollës kishte dhe dhimbje kockash.
“Tensioni i ulët (që nuk më ka ndodhur kurrë) dhe humbja e balancës (e justifikova me pagjumësinë dhe lodhjen në punë” më bënë të kisha dyshime por prapë më dukej e vështirë duke patur parasysh që e kam kaluar dhe se sa e kujdesshme kam qenë. Pikat mbi “i” i vuri temperatura në darkë dhe dhimbja therëse e kockave.”, u shpreh Fjoralba.
Ndërkohë, së fundmi gjatë një bashkëbisedimi me ndjekësit në rrjete sociale, moderatorja ka zbuluar se ka humbur nuhatjen dhe shijen. Më tej, Fjoralba shprehet se është pak më mirë, por shton se ka humbur peshë.
