Qendra Shëndetësore e Çerkezës e cila mbulon kujdesin shëndetësor të 7 fshatrave të zonës ndodhet në kushte të këqija, duke mos plotësuar të gjitha kapacitetet. Qendra shëndetësore është pjesë e Njësisë Administrative të Zallherrit dhe mbulon rreth 10.000 banorë për kujdes shëndetësorë.
Banorët e zonës shprehen të shqetësuar për kapacitetet e qendrës shëndetësore dhe kushtet, pasi nuk plotësohen të gjitha nevojat e tyre për të trajtuar cdo problem që ata mund të hasin.
“Problematika jonë qëndron se ne jemi të ardhur në fshatin Kasallë që prej 25 vitesh dhe deri më tani ne kështu e kemi gjetur qendrën shëndetësore dhe kshu vazhdon të jetë akoma. Stafi është i mrekullueshëm, doktoresha, infermierët, por problemi që na shqetëson është se ne vijmë këtu ato mundohen me çdo gjë për shërbim por ne shohim se kanë mangësi në cdo gjë. Nuk ka stole për të pritur, nuk ka medikamente po kjo është një qendër kryesore për disa fshatra. Jemi një kilometër nga Kamza, por ne shkojmë në Tiranë për një vizitë apo një gjilpërë.
Unë para një jave shkova deri në Kamëz që është një kilometër larg për të bërë një gjilpërë. Sa më ka pyetur infermierja ku banon më tha jo më vjen keq ju jeni me Tiranën, duhet të shkoni në Tiranë. Plus vec kësaj më tha, shko në farmaci merre këtë qetësuesit dhe një shiringë dhe hajde po ta bëj qetësuesin. Unë shkoj për një qetësues dhe më thonë shko ble qetësuesin në farmaci dhe shiringën dhe hajde po të bëj qetësuesin. Infermierja në Kamëz ma bëri qetësuesin jashtë rregullave sepse thoshte ke për të shkuar në Tiranë sepse je me atë qendër shëndetësore. Ndërkohë që ne kemi qëndroren këtu pse të shkojmë në Tiranë.
Kjo qendër shëndetësore nuk është 24 ore, është 07:00-16:00, sipas orarit zyrtar. Nëse ne shkojmë jashtë këtij orari në Kamëz nuk na mbajnë sepse thonë jeni në territor të bashkisë Tiranë dhe shkoni atje. Popullsia shtohet, ndërkohë që godina është po ajo. Mungojnë mjetet bazike në këtë qendër. Në këtë godina ka një krevat, 5 karrige, 2 per sportelin dhe 3 për pacienta. Pra 8 fshatra duhet të vizitohen aty. Ka 25 vite ashtu e kemi gjetur ashtu ka mbetur. Lënë shumë për të dëshiruar kushtet. Janë 3 infermierë dhe doktoresha kryesore. Kur të kemi ndonjë problem duhet të shkojmë në Tiranë jo në Kamëz, kur Kamzën e kemi një kilometër larg, ndërsa Tiranën 4-5 kilometra. Duhet të shkojmë në Tiranë për një gjilpër apo serum se në Kamëz nuk na mbajnë.”, u shpreh banori.
