Një person i shpallur në kërkim, i dënuar për veprën penale “Shfrytëzimi i prostitucionit”, është arrestuar nga policia e Tiranës.
“Specialistët për Hetimin e Krimit në Komisariatin Nr. 4, kanë lokalizuar dhe kapur shtetasin Roni Plaku, 36 vjeç, banues në Peqin”, njoftoi policia.
Ky shtetas ishte shpallur në kërkim nga Drejtoria Vendore e Policisë Fier, pasi Gjykata e Shkallës së Parë Lushnjë e ka dënuar me 2 vjet burg, për veprën penale “Shfrytëzimi i prostitucionit”, shtuan të nëjtat burime.
