Kartonat e verdhë janë kthyer në makthin e Superligës. Para ndeshjes me Kukësin, te Partizani rrezikojnë tre futbollistë.
Në rast se Bardhi, Belica dhe Mala ndëshkohen me karton të verdhë në sfidën me verilindorët, atëherë do mungojnë në duelin e radhës me Laçin. – shkruan Newsport.al.
Kalendari ka rezervuar dy sfida direkte për të besuarit e Ilir Dajës, që javën e fundit fituan bindshëm 0-3 me Kastriotin në transfertë. Tanimë strategu i Demave do duhet të mirëmenaxhojë grupin edhe prej kartonave, për të pasur të gjithë futbollistët në duelet vendimtare të sezonit.
