Një tjetër variant i koronavirsuit është identifikuar në Mbretërinë e Bashkuar, sipas shkencëtarëve.
Varianti i ri, i quajtur B.1.525, është identifikuar në 33 raste, duke u renditur si një variant nën hetim, pasi po kryhen teste të mëtejshme.
Ky variant mbart mutacionin E484K të gjetur në të dy variantet e Afrikës së Jugut dhe atij Brazilan.
Varianti gjithashtu ka mutacionin Q677H në proteinën e saj thelbësore, duke nxitur paralajmërime nga shkencëtarët se kjo mund ta bëjë atë edhe më rezistent ndaj vaksinave.
Dhe ka ngjashmëri me llojin Kent, i cili studimet tregojnë se është deri në 70 përqind më infektive.
Britania ka identifikuar disa variante Covid që nga fillimi i pandemisë, duke përfshirë variantin më infektive të emëruar si B.1.1.7, që është edhe lloji më dominues tashmë.
Shkencëtarët thanë se të tjera hetime janë të nevojshme, para se të dilet në përfundime në lidhje me variantin e ri të zbuluar së fundmi.
