Arsenali ka arritur fitore të rëndësishme përballë Leeds United (4-2), në ndeshjen e javës së 24 në Ligën Premier që u zhvillua në Emirates Stadium.
Topçinjtë shënuan tre gola në pjesën e parë të ndeshjes, ndërsa rezultati u zhbllokua në minutën e 13-të me golin e Pierre-Emerick Aubameyang, i cili u asistua nga mesfushori shqiptar, Granit Xhaka.
Aubameyang shënoi golin e dytë në ndeshje dhe të dytin personal në minutën e 41-të nga pika e bardhë.
Për rezultatin përfundimtar të 45 minutave të para u kujdes Hector Bellerin, i cili mori një top nga Daniel Ceballos, krijoi hapësirë dhe shënoi (45’).
Vendasin shënuan një tjetër gol në fraksionin e dytë (47’) dhe shënues ishte sërish Pierre-Emerick Aubameyang, i cili kompletoi hat-trickun.
Në vazhdim, Leeds shënuan dy gola përmes Pascal Struijk (58’) dhe Helder Costa (69’) që nuk mjaftuan për t’i ndryshuar gjërat.
Me këtë fitore, Arsenali kalon Leeds Unitedin në renditje dhe tashmë ndodhet në vendin e dhjetë, ndërsa vendi katërt është gjashtë pikë larg.
