Ish-ministri i Drejtësisë, Ylli Manjani, përmes një postimi në rrjetet sociale, shprehet se Qeveria Rama ka bërë dhe bën vetëm propogandë.
Manjani shkruan se ndërsa Rama shet pordhë, ministrat janë zëdhënës, punëtorë, pastrues, lavazhierë, kafshë punë me një fjalë…
“Kanë mësuar një fjali tashmë që ua thonë njerëzve për ditë e për çdo gjë: “Rrini në shtëpi”..!!!
Po nëse duhet të rrinë në shpi njerëzia, pse u duhet qeveria?!
Nëse pas gjithë këtij dështimi spektakolar i ecën e pastë hallall, Ai super pushtetin dhe ne komunizmin!”, shkruan Manjani.
Postimi nga Ylli Manjani
Qeveria dhe fatkeqsia.
=======
Ra tërmeti, por qeveria as qen nuk kishte. Çadra, jo e jo..!!! 80% e njerëzve u strehuan nëpër familjarë e të afërm, ku banojnë edhe sot.
Ra pandemia, por qeveria as pati e as mori haber fare nga kjo gjë. Përveç pandemisë, pra fatkeqsisë shqiptarët mbajtën në kurriz edhe qeverinë. Sot pandemia është në gjendje të lirë. Shqiptarët po merren vetë me virusin, ndërkohë që merren dhe me policët e qeverisë…
Ra shi. U përmbyt vendi, por qeveria njësoj. As ndihmë, as haber. Uji vijon të bljë punën e tij. Duket se qeverinë e ka aleat.
Ra dhe dëborë. Bllokohen njerëzit në rrugë. Borëpastruese as që bëhet fjalë po as pak kripë, jo nga ajo e Nusretit, mund ta kishin hedhur. Por hiç. Asgjë…
Vetëm propagandë televizive. Ministrat janë zëdhënës, punëtorë, pastrues, lavazhierë, kafshë punë me një fjalë…
Ndërsa Ai shet pordhë me sondazhe. “Nuk jam më i miri, po ska më të mirë”…!!
Kanë mësuar një fjali tashmë që ua thonë njerëzve për ditë e për çdo gjë: “Rrini në shtëpi”..!!!
Po nëse duhet të rrinë në shpi njerëzia, pse u duhet qeveria?!
Nëse pas gjithë këtij dështimi spektakolar i ecën e pastë hallall, Ai super pushtetin dhe ne komunizmin!
****
Ah mos harroni!
Fajin e ka opozita ëëë…!!!
