Policia italiane arrestoi mbrëmjen e së shtunës një 52-vjeçar shqiptar, në automjetin e të cilit u zbuluan 1.9 kg kokainë e cilësisë së lartë.
Mediat italiane raportojnë se policia ushtroi një kontroll rutinë mbi një furgon që drejtohej nga shqiptari.
Gjatë kontrolli ai tregoi nervozizëm të pajustifikuar, një qëndrim që e shtyu policinë të thellojë kontrollet dhe të inspektojë automjetin.
Pas këtij kontrolli të hollësishëm, ata gjetën një pako me kokainë me peshë 1.9 kg, që nga analziat e mëvonshme doli që ishte e një cilësie të lartë.
Pakoja ishte vendosur nën sediljen e pasagjerëve.
Nga sasia e drogës mund të nxirreshin 5,000 doza, për një vlerësim të përgjithshëm vlera prej më shumë se 60,000 euro.
Droga u sekuestrua, ndërsa shtetasi shqiptar u shoqërua për në burg, siç urdhëroi Autoriteti Gjyqësor.
