Moti i keq dhe reshjet e dëborës kanë krijuar jo pak probleme edhe në qytetin bregdetar të Durrësit.
Një ditë më parë, në kuadrin e propogandës së Rilindjes, nga Bashkia e Durrësit u shpërndanë disa foto ku shfaqeshin punonjësit e bashkisë duke hedhur kripë në rrugët kryesore të qytetit për të lehtësuar levizjen e automjeteve në akset e mbuluara nga ngrica. Por sot të gjitha rrugët kishin prezencë akulli, duke vështirësuar qarkullimin.
Pra, Ndërmarrja e Rrugëve nuk ka bërë asgjë, duke rritur kështu rriskun e aksidenteve të mundshme.
Moti i keq dhe era e fortë që ka shkaktuar dallgëzim të madh kanë sjellë edhe pezullimin e lundrimeve të linjës Durrës-Bari dhe anasjelltas.
Nga Kapiteneria e portit të Durrësit bëhet e ditur se një prej trageteve të linjës me Italinë, nuk do të niset mbrëmjen e sotme nga Durrësi dhe po ashtu trageti tjetër nuk do të niset nga Bari.
Ndërkohë peshkarexhat dhe anijet e tonazhit të vogël kanë anulluar lundrimet në drekë, pasi deti me dallgë 7 deri në 8 ballë nuk mundëson lundrimin e tyre.
