Bill Gates, i njohur si themeluesi i kompanisë Microsoft dhe një prej njerëzve më të pasur në botë, ka paralajmëruar për dy katastrofa tjera që “seriozisht mund ta rrezikojnë botën”.
Kjo vjen pothuajse gjashtë vite pasi kishte “parashikuar” pandeminë e viruseve të ngjashëm me atë që sot po e luftojmë, shkruan CNBC.
Ai gjithashtu ka theksuar se si bota nuk është e gatshme me shfaqjen e virusit të ri vdekjeprurës në vitet e ardhshme, duke përmendur se beson se kërcënimet më të mëdha për njerëzimin janë ndryshimet klimatike dhe bioterrorizmi.
“Nuk është ndjenjë e mirë kur për diçka si kjo mund të thuash ‘ju kam thënë…’ Ndoshta është dashur të jem më bindës? Ekzistojnë një sërë virusësh respiratorë që nga çasti në çast do të vijë një tjetër. Sëmundjet respiratore janë të tmerrshme sepse gjithmonë ndodhen përreth, udhëtojnë me avionë apo autobusë”, ka theksuar 65-vjeçari.
