Në kuadër të organizimit të zgjedhjeve parlamentare në vendin tonë me 25 prill investitorët e huaj u kanë dërguar një letër partive politike. Investitorët kërkojnë që të merren hapa konkrete dhe partitë të shprehin qartë programin e tyre politik në lidhje me sfidat kryesore për Shqipërinë.
Disa nga pikat kryesore janë kërkesat e investitorëve të huaj në lidhje me sistemin gjyqësor dhe me rregullat e shtuara për të përmirësuar procedurat tatimore.
Kërkesa e paraqitur nga investitorët e huaj vjen në një kohë kur PD dhe LSI kanë nisur prezantimet e programeve të tyre, ndërsa Kryeministri Edi Rama vijon me show, propogandë dhe batuta.
Në letrën e tyre theksohet:
1-Nevoja për veprim të menjëhershëm në përmirësimin e sistemit gjyqësor
2-Nevojë për rregulla të përmirësuara proceduriale tatimore.
3-përmirësimin e procesit të lejeve duke pasqyruar nevojat e industrive specifike dhe zvogëlim për vonesat në marrjen e lejeve të ndërtimit, duke integruar procedurat e Këshillit Kombëtar të Rregullimit të Territorit.
4- Sigurimi i një koordinimi më të mirë midis autoriteteve lokale dhe qeverisë qëndrore për të shmangur veprimet arbitrare kundër bizneseve të vendosura në zonat e ndryshme administrative të Shqipërisë.
5-Përmirësim të dialogut me biznesin dhe reagim i duhur për institucionet përgjegjëse me të cilët investitorët e huaj dhe vendas punojnë në Shqipëri.
6-Mbështetje për digjitalizimin e mëtejshëm të administratë publike.
7-Krijimin e një fondi të fondeve në mënyrë që të sigurohet një nivel më i lartë për bizneset në rastet e katastrofave mjedisore ose krizave të përhapura.
8-Mbështetje për ekonomitë e shkallës duke kombinuar grante publike dhe fonde private në mënyrë që të arrihet më shumë ndikim.
9-Rritja e investimeve publike në arsimin profesional dhe me qëllim përhapjen e kulturës sipërmarrëse midis brezit të ri.
10-Ti japë fokus të lartë konkurrencës për të nxitur investimet.
