Autoritetet shëndetësore në Kosovë kanë regjistruar të Enjten 344 persona të infektuar të rinj me koronavirus, pas 2,281 testimeve.
Instituti Kombëtar i Shëndetësisë Publike ka njoftuar se në 24 orët e fundit janë regjistruar dy viktima me këtë virus.
“Rastet e vdekjes janë nga komunat: Skenderaj 1 rast (63 vjeç), Viti 1 rast (85 vjeç)” , thuhet në njoftim.
Sipas IKSHPK-së, nga COVID-19, janë shëruar 230 persona në 24 orët e fundit, ndërsaraste aktive janë 7,008.
Prej 13 Marsit, kur janë regjistruar rastet e para me koronavirus në Kosovë, autoritetet shëndetësore në këtë shtet kanë regjistruar 63.433 persona të infektuar me këtë virus.
Prej tyre, 1,534 pacientë kanë vdekur.
