Epidemiologu Ilir Alimehmeti tha mbrëmjen e sotme në Opinion se variantet e reja të Covid-19 padiskutim kanë hyrë në Shqipëri dhe kanë ndikuar në rritjen e rasteve të reja.
Alimehmeti tha se festat mund të kenë ndikuar, por jo në atë masë që thuhet.
“Kemi një rritje me rreth 50 % të rasteve dhe nuk besoj se ka një ndikim kaq të madh nga festat kur kanë kaluar 8 javë”, tha Alimehmeti.
Ai tha se trendi i rasteve është shumë më i madh, nëse do të shtohen testimet.
“Në nëntor dhe dhjetor bëheshin 2000-2500 teste, sot bëhen 4500, kemi më shumë raste. Pra sa më shumë teste të bëhen aq më shumë raste do të evidentohen”, tha Alimehmeti.
