Kryetari i PD-së, Lulzim Basha, ka reaguar ndaj deklaratave të Kryeministrit Edi Rama, i cili foli për progres në ekonomi dhe shëndetësi.
Basha në një deklaratë për mediat ngriti pyetjen: “le t’u drejtohemi shqiptarëve, ku është shëndetësia falas?!Pas tetë vitesh që e pretendoi, ku është?! Tirja është produkti i vetëm i Edi Ramës në tetë vite. Sepse Tirja është Edi Rama, të merr lekët dhe s’të jep bukën”.
“Shqipëria sot është vendi me numrin më të lartë të infektimeve, me numrin më të lartë të vdekjeve për shkak të dështimeve të Edi Ramës.
Prandaj nuk ia vlen të merremi me atë që pas 25 prillit është e shkuara. E rëndësishme është që si të dalim nga gropa ku e futi vendin Edi Rama, duke filluar nga stabilizimi i situatës. Rritja e rrogave të mjekëve dhe infermierëve që të ndalim largimin e tyre”, tha Basha.
