Kryeministri Edi Rama iu shmang një pyetjeje të drejtpërdrejtë lidhur me faktin nëse në zgjedhjet e 25 prillit do të lejohet ose jo kandidimi i Tom Doshit. Emri i deputetit, që drejton edhe PSD-në, u përmend nga Ambasadorja amerikan Yuri Kim, duke iu referuar faktit se ai përfshihet në listën e zezë të Departamentit amerikan të Shtetit.
Rama tha se nuk ka ndërmend të japë përgjigje sa herë që do të pyetet lidhur me diplomaten amerikane, ndërsa akuzoi mediat se i kanë keqpërdorur deklarimet e tij duke krijuar një situatë të paqenë.
“Nuk ka nevojë të më kujtoni Ambasadoren lidhur me zbatimin e detyrave të mia si Kryeministër. Mos e përdorni ambasadoren si karrem për të krijuar gjëra të paqena”, tha Rama.
