Erion Veliaj, Kryebashkiak i Tiranës, duket se ka angazhuar administratën e bashkisë, për të bërë sondazhe në rrugët e qytetit, lidhur me vlerësimin që kanë qytetarët për Qeverinë dhe Kryeministrin Edi Rama.
Ndonëse ka një Akt Normativ nga ana e KQZ-së, që ndalon angazhimin e administratës në çështjet e fushatës zgjedhore, sikundvr ndalohen largimet nga puna apo emërimet në punë, deri 4 muaj para zgjedhjeve, duket se Veliaj nuk pyet për aktet normative, nëse shkel ligjin zgjedhor apo nëse keqpërdor administratën, pavarësisht moshës së tyre.
Në videon e mëposhtme paraqitet një vajzë, e cila prezantohet si pjesë e bashkisë së Tiranës, të cilës i është ngarkuar një detyrë për të pyetur qytetarët se çfarë mendimi kanë për punët e Qeverisë.
Nëse këtë sondazh mund ta bënin punonjësit e Kryeministrisë, pavarësisht se do kishte një shkelje ligjore, mund të kishte lidhje, pra që të mblidhnin të dhëna mbi punët e Qeverisë, por të angazhohet administrata lokale për të pyetur se çmendon për Kryeministrin këtë vetëm Lali Eri mund ta bëjë. Dhe për të treguar devotshmëri ndaj shefit të tij politik, Veliaj nuk përton që të trajtojë vartëset e tij në bashki, pa personalitet, duke i çuar drejt një konflikti me qytetarë, edhe pse nga pas i ka vënë nga një truprojë, që se ka problem të shfaqet nëse vajza që bën sondazhet ndjehet keq.
Nuk dihet nëse realisht kjo vajzë është një prej punonjëseve të Bashkisë, pasi nuk tregon ndonjë dokument, apo pjesë e ndonjë kompanie të kontraktuar nga Bashkia e Tiranës, për të mbledhur informacione lidhur me mendimin e qytetarëve.
Pavarësisht si qëndron e vërteta, Veliaj po shkel ligjin dhe këtë po e bën nv një kohë kur nuk lë rradhë pa bërë moral dhe pa i treguar qytetarëve se si duhet të sillen.
