Probleme në pikën kufitare të Morinës në Kukës si pasojë e mungesës së energjisë elektrike prej të paktën 12 orësh.
Shkak është bërë një defekt i rëndë në linjën e transmetimit të tensionit të lartë të energjisë, që furnizon të gjithë zonën.
Për pasojë nuk punon sistemi i përpunimit të të dhënave në doganë, dhe çdo material përpunohet në mënyrë manuale.
OSHEE në Kukës njofton se për shkak të defektit pa energji përveç Kukësit është edhe Hasi e Tropoja, ndërkohë që punonjësit janë të shpërndarë në terren për rikthimin e energjisë elektrike.
