Një biznes në zonën e Durrësit është grabitur nga disa persona, ndërsa autorët janë vënë në pranga njoftoi këtë të Hënë policia.
Sipas policisë, autorët, pasi kanë dhunuar rojën subjektit privat, shtetasin B C., 49 vjeç, janë futur në ambientet e brendshme dhe kanë vjedhur rreth 50.000 lekë dhe një furgon tip “Benz” që ishte në pronësi të subjektit. Ky mjet është gjetur i braktisur në fshatin Perlat dhe është sekuestruar në cilësinë e provës materiale.
Personat e arrestuar janë H Q., 21 vjeç, banues në Manzë, M. K., 27 vjeç, B.S., 23 vjeç dhe M. B., 17 vjeç, banues në Rrushkull, Durrës. Gjithashtu është shpallur në kërkim shtetasi K. R., 26 vjeç, banues në Jubë, Durrës.
Ata akuzohen për veprën penale “Vjedhja me dhunë” e kryer në bashkëpunim.
