Janë rritur ndjeshëm rastet e reja me Covid-19 në qarkun e Beratit. Numri i të infektuarve në qarkun e Beratit ka shkuar në 911, ndërsa rastet e reja janë shënuar në shkolla, banka, spitale dhe institucione të ndryshme.
Njoftimi:
Shtohen rastet me Covid në qarkun e Beratit. 5 Mësues 5 nxënës 2 infermier dhe punonjës banke etj dalin pozitiv.Covid 19.
-1 mësues ne shkollën jopublike “Irfan Ngjeqari” në Berat.
-1 mësues në shkollën 9-vjeçare të fshatit Karkanjoz.
-1 mësues në shkollën 9-vjeçare “Zihni Toska” në Berat.
-1 mësues në shkollën 9-vjeçare të fshatit Sinjë.
-1 nxënës në shkollën 9-vjeçare “22 Tetori” në Berat.
-5 nxënës në shkollën e mesme “Kristaq Capo” në Berat.
-1 nxënës në shkollën mekanike “Stiljano Bandilli” në Berat.
-1 edukatore në kopshtin e fshatit Moravë.
-1 infermier në Qendrën Shëndetësore në fshatin Pobrat.
-1 infermier në Qendrën Shëndetësore në fshatin Cukalat.
-1 punonjës i Drejtorisë Arsimore në bashkinë Berat.
-1 punonjës social në bashkinë Berat.
-1 elektriçist në OSHEE Berat.
-1 punonjës në filalin e fondacionit Besa në Berat.
-1 oficer i Policisë Ushtarake.
-1 ekonomist në Raifeissen Bank në Urë-Vajgurore.
-1 inxhinier ndërtimi.
-1 punonjëse në fasonerinë Malotex.
-2 punonjës në fasfood Lundra në Berat.
Ndërkohë situata me koronavirusin vazhdon të mbetet problematike në vendin tonë, duke qenë se në 24 orët e fundit janë identifikuar 1124 persona të prekur me Covid-19.
Shqetësues mbetet dhe numri i viktimave ditore, teksa Ministria e Shëndetësisë ka raportuar 14 humbje jetë ditën e sotme.
Për sa i përket të shtruarve në spital, numri i shtretërve të zënë në katër spitalet Covid ka arritur në 437. Nga keta, 31 janë në terapi intensive, ndërkohë 12 janë të intubuar.
