Shoqëria civile paralajmëron se do të çajë rrethimin e parkut të lojërave që po ndërtohet pranë Liqenit Artificial.
Aktivistë të shoqërisë civile kanë kaluar gjithë natën tek parku i Liqenit për të mos lejuar vijimin e ndërtimit. Ata kanë deklaruar se përfaqësues të firmës së ndërtimit kanë dhunuar 3 protestues. Bashkia e Tiranës nisi të betonizojë pasditen e djeshme vendin ku do të ndërtohet parku i lojërave.
“Përfaqësues të firmës së ndërtimit dhunuan 3 protestues, e kemi filmuar ngjarjen. Do të çajmë rrethimin kur të jemi më shumë”, kanë thënë ata. Po prej tyre mësohet se PD iu ka ofruar dyshekë e tenda por ata nuk kanë pranuar.
(Boldnews)
