Zëdhënësja e PD, Ina Zhupa, përmes një postimi në rrjetet sociale, tregon se si plani i Kryetarit të PD, Lulzim Basha, do të ofrojë mundësi punësimi për të rinjtë që ata të mos ikin nga Shqipëria, por të ndërtojnë jetën këtu në vendin e tyre.
“Ne do të vëmë në dispozicion 5 milionë euro çdo vit për mbështetjen e sipërmarrjeve që do të krijohen nga vet të rinjtë. Nëse ke një ide për biznes, ne do të mbështesim që të punësosh veten por pse jo edhe të tjerët. Çdo biznesi që do të bëjë një kontratë pune për një të ri ne do t’i japim një mijë euro nga fondi i punësimit për pagesën e taksave”, thekson Zhupa.
Ajo sqaron se kemi programe “Brain Gain” për mundësimin e pagesës një vit të çdo profesionisti të ri që do të kthehet përsëri në vend, gjithashtu ne do krijojmë lehtësira fiskale për kontratat e punës përtej një viti.
