Ka ndërruar jetë në spital, 9 ditë pasi u dhunua nga shokët e tij, 57-vjecari Pelivan Sinorrapaj nga Ballshi. Ai ishte shtruar në spitalin e Traumës në gjendje të rëndë dhe pavarësisht përpjekjes së mjekëve, ndërroi jetë mesditën e së shtunës.
Por si ishte ngjarja?
Në datë 29 janar në mbrëmje Pelivan Sinorrapaj ishte ulur në lokalin e lagjes në Ballsh së bashku me tre shokë.
Pasi kaluan disa orë duke konsumuar alkool, 57-vjeçari me tre shokët Fitim Zekaj 42 vjeç, Festim Alimetaj 53 vjeç dhe Ferdinand Meraj 44 vjeç u konfliktuan, sipas dëshmitarëve për politikë.
Sherri vazhdoi edhe jashtë lokalit, ku Pelivan Sinorrapaj u godit dhe u gjakos. Tre shokët e lanë në mes të rrugës dhe u larguan, raporton policia.
Babai i tre fëmijëve u dërgua për mjekim të specializuar në spitalin e Traumës në Tiranë por mesditën e së shtunës ka ndërruar jetë.
Policia ka ndaluar autorët, ndërkohë që gjykata vendosi masën e sigurisë “arrest shtëpie” disa ditë më parë.
