Zbardhen të tjera detaje nga atentati i kësaj mbrëmje në Vlorë, ku mbeti i vrarë Gentian Qarri, 40 vjeç.
Duket se atentati lidhet me të shkuarën e errët të 40-vjeçarit jashtë vendit.
Qarri, i njohur në qytetin bregdetar si ‘Geçe’, ka qenë i dënuar me 11 vite burg për trafik droge në Itali.
Pas dënimit në shtetin fqinj, Gentian Qarri prej 3 apo 4 vitesh është kthyer në Vlorë dhe ishte martuar.
Aktualisht, 40 vjeçari punonte hidraulik.
Skema e atentatit
Dyshohet se autorët, kanë qëlluar ndaj Qarrit nga një automjet në lëvizje.
Mësohet se nga të shtënat, disa plumba e prekën Qarrin në kraharor. Fillimisht ai u dërgua me urgjencë në spital, ndërsa nuk i mbijetoi plagëve.
Dyshohet se autorët e ruanin Qarrin, ndërsa pritën momentin teksa ai po lëvizte në këmbë në lagjen ’29 nëntori’ në Vlorë për t’a qëlluar.
Pas të shtënave me breshëri, autorët janë larguar me shpejtësi.
Makina e djegur
Një mjet tip ‘Toyota’ u gjet i djegur në Pyllin e Sodës. Dyshohet se është përdorur nga vrasësit e 40-vjeçarit.
Brenda automjetit u gjet dhe një armë zjarri.
LEXO EDHE:
Vlorë/ Gjendet një automjet i djegur, dyshohet se u përdor në atentat ndaj 40-vjeçarit
