Sapo janë mbyllur 45 minutat e para të dy sfidave të orës 13:45 në Kategorinë Superiore.
Në Ballsh, po luhet takimi mes vendasve të Bylisit dhe Partizanit. Pjesa e parë nuk ka prodhuar gola pavarësisht faktit që të kuqtë janë shfaqur dominues duke e kërkuar më shumë golin.
Ndërkohë në kryeqytet, Tirana kryeson 2-0 ndaj Skënderbeut. Rezultati u zhbllokua në minutën e 10-të nga sulmuesi Taulant Seferi. Blerja e re e bardhebluve lëshoi një predhë nga jashtë zonës duke shtangur portierin Dajsinani.
Dyfishimi i rezultatit erdhi vetëm 8-të minuta më vonë. Kaos në mbrojtjen e Skënderbeut, Erion Hoxhallari, me një goditje të fortë në hyrje të zonës realizoi duke mos i dhënë asnjë shans Dajsinanit.
