Do të luhet duke filluar nga ora 13:45, ndeshja mes Tiranës dhe Skënderbeut, e vlefshme për javën e 18-të në Kategorinë Superiore.
Bardheblutë do të kërkojnë fitoren e dytë radhazi në kampionat, pas saj ndaj Apolonisë në javën e fundit, ndërsa korçarët për t’u rikthyer te pikët, pas humbjes turpëruese me Kukësin në shtëpi. Orges Shehi do triumfin ndaj ish-skuadrës së tij, ka pasur grupin e plotë dhe asnjë nga lojtarët nuk vuan shqetësime.
Nga ana tjetër, Migen Memelli kërkon të debutojë me këmbën e mbarë dhe shpreson që skuadra e tij të bëjë surprizën në kryeqytet, për t’iu larguar zonës së fundit të tabelës.
Në total të dyja skuadrat janë përballur 151 herë mes tyre, ku bardheblutë kanë 67 fitore, kundrejt 34 të bardhekuqve, ndërsa 48 ndeshje janë mbyllur në barazim. Ndeshja e fazës së parë, mes këtyre dy ekipeve, u mbyll në barazim 1-1.
Formacionet zyrtare:
Tirana: Bekaj, Toshevski, Najdovksi, Hoxhallari, Ismajlgeci, GIamfi, Batha, Torasa, Kale, Seferi, Muçi. Trajner: O. Shehi
Skënderbeu: Dajsinani, Meksi, Njie, Sadriu, Zguro, Taipi, Dumfur, Zhan Viktor, Mara, Berisha, Mensah. Trajner: M. Memelli
