Të gjithë u çuditëm jo pak kur hapjen e kësaj puntate të “PërPuthen” e realizoi opinionisti Arjan Konomi dhe jo Bora Zemani, prezantuesja e emisionit.
Konomi bëri me dije se Zemani është e infektuar me koronavirus dhe se është në shtëpi, ku ndodhet në gjendje të mirë shëndetësore.
“Fatkeqësisht Bora Zemani është sëmurë, është me Covid, ndodhet në gjendje të mirë shëndetësore. Bora të presim sa më shpejt. Programi do të prezantohet me radhë nga vajzat, nga secila nga një puntatë”, tha Arjan Konomi.
Pas këtij lajmi ka reaguar vetë Bora në një reagim në rrjetet sociale ku shkruan:
“Faleminderit per gjithe urimet tuaja! Po jetojme ne kohe te veshtire, kohe pandemie! Si nje “frikacake” jam ruajtur gjithe vitin duke respektuar te gjitha masat antiCovid por ja… nuk shpetova dot. Gjithsesi une kam nisur mjekimin dhe jam nen kujdesin e duhur. Shpresoj te shihemi sa me shpejt. Kujdesuni per veten dhe te afermit tuaj! Shendeti mbi te gjitha”, shkruan ajo.
