Belind Këlliçi, një prej drejtuesve politikë të PD në Qarkun e Tiranës, i ka nisur takimet me një vizitë në familjen e Ardit Gjoklajt, 17-vjeçarit që humbi jetën në landfillin e Sharrës dhe që nuk u bë drejtësi.
Humbja e jetës së Gjoklajt u pasua nga një seri protestash, ndërsa gishti i akuzës ishte ndaj Kryebashkiakut Erion Veliaj.
“Sa të kem frymë do të kërkoj drejtësi për Arditin”, u shpreh kreu i FRPD, gjatë bashkëbisedimit në familjen Gjoklaj, ndërsa shtoi se drejtësia për të miturin që humbi jetën është detyrim ndaj çdo të riu që sot punon për t´u arsimuar.
“Arditi i mitur humbi jetën, sepse me punën e tij të ndershme, kërkonte të fitonte të ardhura për të siguruar librat e shkollës.
Ai si gjithë të rinjtë kishte shumë ëndrra, që ju prenë në mes nga babëzia dhe korrupsioni i kryebashkiakut Erjon Veliaj. Nuk bëhet drejtësi për Arditin e ndjerë, kur Veliaj drekon me prokurorin e çështjes.
Drejtësia për Arditin është gjithashtu detyrim ndaj çdo të riu shqiptar që sot punon për t’u arsimuar.
Falenderoj familjen Gjoklaj që më pritën në shtëpinë e tyre! Sa të kem frymë, do të kërkoj drejtësi për Arditin”, shkruan Këlliçi në një postim në rrjetet sociale.
