Eurovision 2021 do të zhvillohet në Roterdam pasi Holanda fitoi konkursin në vitin 2019 me artistin Arcade. Ngjarja e vitit të kaluar u anulua për shkak të pandemisë.
“Konkursi i Këngës Eurovision patjetër do të bëjë kthimin e tij të mirëpritur këtë maj pavarësisht nga pandemia, por, në rrethanat mbizotëruese, është për fat të keq e pamundur të zhvillojmë ngjarjen në mënyrën siç jemi mësuar”, tha mbikëqyrësi ekzekutiv, Martin Österdahl.
COVID vijon të jetë prezent në botë, ndaj Eurovisioni njoftoi se “Skenari A”, i cili do të përfshinte “një vend të mbushur plot”, ishte përjashtuar. Skenari B do të thotë se mund të ketë akoma një shfaqje, me një audiencë të reduktuar dhe pjesëmarrësit që do performojnë në arenën ‘Ahoy’ të Roterdamit.
Masa të rrepta të shëndetit dhe sigurisë, përfshirë testimin e shpeshtë të Covid, do të duhej të jenë në vendin ku supozohet të zhvillohet shfaqja.
Për skenarin C, të gjitha shfaqjet do të luhen me regjistrim me prezantuesit që drejtojnë shfaqjen nga Rotterdami. Opsioni përfundimtar do të ishte për një festival plotësisht virtual, pa audiencë.
Organizatorët thonë se ata aktualisht “po përqendrojnë përpjekjet e tyre” në opsionin B.
