Presidenti në detyrë i SHBA-së, Barack Obama ka vizituar ditën e sotme Athinën ku zhvillon takime me krerët më të lartë të shtetit.
Mirëpo ajo që ra në sy ishin masat e rrepta të sigurisë që u morrën për të siguruar jetën e Obamës. Mediat greke i kanë bërë jehonë sigurisë që i është siguruar Obamës ku janë angazhuar rreth mijë policë grekë dhe 500 agjentë amerikanë.
Eskorta presidenciale përbëhet nga rreth 420 automjete shoqëruese, ndërsa dy satelitë ushtarakë janë pozicionuar mbi territorin grek.
Po kështu raportohet edhe për 10 fuoristrada me pajisje për bllokimin e telefonave dhe pajisjeve shpërthyese që gjenden mes pajisjeve speciale që mbrojnë presidentin amerikan.
Masat e sigurisë kanë nisur që në aeroportin e vendit, ku Obama u prit me nderime nga ministri i Mbrojtjes, Panos Kamenos, për të vijuar më pas në gjithë rrugët ku do të kalojë presidenti amerikan.
/LAPSI.AL/
