Lajmet e fundit në mediat turke i trishtuan fansat e Neslihan Atagul. Kjo e fundit e cila kishte humbur peshë kohët e fundit, u dërgua me urgjencë në spital muajin e kaluar.
Aktores 28-vjeçare iu desh të hiqte dorë nga drama ku ajo po merrte pjesë ‘Vajza e ambasadorit’ duke thënë për fansat: “Trupi im nuk është tolerant, kam nevojë për pak pushim.”
Mediat turke raportuan se gjendja e saj është aq serioze saqë ekziston edhe rreziku i vdekjes. Aktorja vuan nga koliti spastik dhe doktorët turq paralajmërojnë se gjendja e Neslihan është shumë serioze dhe se duhet të bëjë shumë kujdes me ushqimin, duke përjashtuar ato që përmbajnë gluten.
Së fundmi aktorja është parë së bashku me bashkëshortin e saj aktorin e njohur Kadir Dogulu.
“Siç e shihni unë jam mirë, por kur bëj dy hapa lodhem”- tha aktorja duke treguar se gjendja e saj është serioze.
