Kontrata e Sergio Ramos me Real Madrid përfundon në fund të sezonit dhe ka zëra të cilat sugjerojnë se ai nuk do të rinovojë me Los Blancos për tu larguar me parametra zero.
Mediet spanjolle shkojnë deri aty sa thonë se Ramos u ka komunikuar drejtuesve se do të largohet dhe ata janë të përgatitur për këtë situatë. Në Instagram janë të shumta faqet që komunikojnë lajme për ”Los Blancos” dhe një prej tyre shkruante për largimin e sigurt të Ramos.
Ajo që ka bërë bujë dhe është shpërndarë gjerësisht në rrjete sociale dhe medie është fakti se mbrojtësi ka pëlqyer postimin e faqes, duke vërtetuar në njëfarë mënyrë largimin nga Real Madrid. Pas disa çastesh ai e hoqi pëlqimin e tij, por deri atëherë ai veprim kishte marrë dhenë.
