Rigers Lala, 30-vjeçari, që u arratis nga Komisariati nr 1 në Tiranë, disa ditë më parë, është ndaluar nga policia.
Nga raportimet mësohet se Lala u kap nga një patrullë polici në zonën e Ali Demit, atje ku edhe u arrestua në ditët e para të muajit janar me akuzën e armëmbajtjes pa leje.
Në atë kohë u raportua se policia ndaloi një person, i cili lëvizte me armë, ndërsa pati dyshime se ai kishte kërcënuar edhe kalimtarë të rastësishëm në zonë. Gjithsesi zyrtarisht policia njoftoi vetëm për armëmbajtje pa leje.
30-vjeçari pas shoqëimit në Komisariatin nr 1, arriti të arratiset ndërsa dy policë po e shoqëronin për ti marrë shenjat e gishtërinjve.
U raportua se në momentin që të ndaluarit iu hoqën prangat, ai kishte goditur efektivët dhe kishte arritur të dilte nga mjediset e komisariatit.
Ndërkohë sot njoftohet se 30-vjeçari është arrestuar në zonën e ‘Ali Demi’, aty ku pikërish u ndalua në momentin e parë për armëmbajtje pa leje.
