Kjo gjurmë që shikoni në foto është e një dinosaur që ka jetuar 220 milionë vite më parë. Është gjetur nga një vajzë 4-vjeçare në një plazh në jug të Uellsit.
Lily Wilder e pa gjurmën e çuditshme në rajonin Barry, ndërsa shkencëtarët besojnë se kjo gjurmë mund të ofrojë ndihmë për të zbuluar se si kanë ecur këto kafshë që janë zhdukuar para një kohe shumë të gjatë.
Gjurma është e gjatë 10 centimetra dhe mund të jetë lënë nga një dinosaur i lartë 75 centimetra, shkruan BBC.
Nëna e vajzës që e zbuloi gjurmën tha: “Lily e pa atë kur po ecte me babanë dhe i tha atij “babi, shiko”. Kur Richardi ma tregoi fotografinë, unë thashë se ajo duket mahnitëse. Më pas vendosëm kontakt me ekspertët që e morën gjurmën nga vendi ku e gjetëm”.
