Kukësi ka likuiduar Skënderbeun me rezultatin 0-4 në sfidën e vlefshme për javën e 17-të të Kategorisë Superiore. Një tjetër paraqitje për t’u harruar kjo e skuadrës korçarë e cila ishte thuajse inekzistente në fushën e lojës, duke pësuar 3 gola në pjesën e parë. 2 prej të cilëve në harkun kohor të 2 minutave.
Në fushën e lojës dukej se kishte vetëm një skuadër dhe ata ishin verilindorët e Mirel Josës, që nuk e vunë në asnjë moment në diskutim fitoren. Kjo ishte fitorja e tretë radhazi në kampionat për skuadrën kuksiane, ndërkohë që Skënderbeu fitoren e fundit e ka regjistruar në 30 dhjetor të vitit 2020 përballë Bylisit.
Plot 36 gola ka pësuar skuadra korçare në këto 17 javë, teksa renditet në vendin e fundit me 12 pikë. Në sfidën e radhës juglindorët do të përballen në transfertë ndaj Tiranës, ndërkohë Kukësi që është ngjitur në vendin e katërt.
