Një Super Champions po shihet si një mundësi për të ndalur kërcënimet e klubeve më të mëdha europiane që kërkojnë krijimin e një Super League. UEFA dhe FIFA duket se po punojnë mbi një projekt, që do t’i përgjigjet ambicieve të klubeve më të rëndësishme evropiane, të cilat kanë shprehur gatishmërinë për të formuar një kampionat ku marrin pjesë ekipet më të famshme dhe më të pasura.
Presidenti Ceferin, sipas gazetës spanjolle AS, është duke punuar për projektin e një Champions League të ri që do të zgjasë për 9 vite nga 2024 deri më 2033, por turneu mund të nisë që nga edicioni 2022-23.
Numri një i UEFA është duke përpjekur që të formojë një kompeticion të ri, teksa diskutimet zgjasin prej disa javësh, së bashku me një komitet ekspertësh që punojnë në aspektet rregullatore dhe logjistike.
Ekipi drejtues përbëhet nga dy nënkryetarë të UEFA-s, Spanjolli Luis Rubiales dhe Portugezi Fernando Gomes. Theodore Theodoridis, sekretari i përgjithshëm, do të punojë gjithashtu në projekt. Vetë Ceferin po negocion me pesë klube që përfaqësojnë Shoqatën Evropiane të Klubeve: Real Madrid, Juventus, Manchester United, Fenerbahce dhe PSG.
Presidenti i UEFA-s ka punuar për muaj me radhë për të përmirësuar Champoionsin aktual në çdo aspekt, si dhe pjesën tjetër të kompeticoneve që menaxhon futbollin Evropian. Struktura dhe kalendari i këtij turneu të ri, modeli i tij i biznesit, me shpërndarjen e të gjitha burimeve që gjenerohen, janë linjat kryesore mbi të cilat vërtiten bisedimet e fundit.
Ekziston diçka e panegociueshme në draftin e turneut: ndeshjet e ekipeve kombëtare do të duhet që gradualisht t’ua lënë ndeshjet Super Championsit, që do të futet në kalendar. Kalendarët e kampionateve kombëtare do të duhet të zvogëlohen me katër ose pesë javë, duke ngushtuar edhe numrin e skuadrave nga 16 deri në 18. Sipas gazetës “As”, ideja e Ceferín po fiton mbështetje nga shumë klube mëdha, duke nisur që nga Juventusi.
