Rilindasit i ka marrë malli për lojërat e fatit, pasi në pamundësi për të luajtur në sallone bastesh ligjore (pasi bastet online luhen në çdo shtëpi), kanë filluar dhe vënë baste në çdo studio televizive.
Pas këshilltarit dhe njeriut që deliron nga mëngjesi në mëngjes për mandatin e tretë të rilindjes, Baton Haxhiu, ishte radha e Elisa Spiropalit alias Mamica, që të vinte bastin e radhës në një tjetër emision televiziv.
Mesa duket ka nisur gara e brendshme mes dy delirantëve të rilindjes, se kush e kush të marrë më shumë mandate imagjinare në sytë e liderit, ende pa folur sovrani.
Spiropali në delir e sipër deklaroi në studion e ‘Zonë e Lirë’ se rilindja do të marrë 20 mandate në Tiranë (Kujtojmë që në këtë qark janë në ‘lojë’ 36 mandate, nga 34 në zgjedhjet e kaluara).
Deklaratë e cila erdhi pas një debati në studio me gazterët Arjan Çani dhe Arjan Curri, të cilët thanë se këtë herë Tirana bën kthesë, dhe votat do të anojnë djathtas.
Ndërkohë që gjatë kësaj jave analisti Baton Haxhiu dhe një nga këshilltarët më të afërt të Ramës, deklaroi se nëse Rilindja nuk merrte mandatin e tretë, atëherë ai do të zhdukej nga ekranet shqiptare.
Një bast të tillë Haxhiu e vuri edhe para zgjedhjeve të kaluara në Kosovë, ku tha se nëse Albin Kurti do të zgjidhjej kryeministër nuk do të shfaqej në mediat kosovare, premtim të cilin ai e mbajti pasi menjëherë pas zgjedhjeve nuk është shfaqur në asnjë ekran televiziv kosovar.
Pas deklaratave dhe basteve të forta të vëna nga Haxhiu dhe Spiropali tani nuk na ngelet gjë tjetër veçse të presim Petro Koçin të në surprizojë me bastin e radhës.
Basti Spiropali-Çani:
Spiropali: E vëmë një bast këtu Çani, që nëse ne nuk marrim 19 ose 20 mandate, atëherë unë…
Çani: Me çfarë do ta vëmë bastin?
Spiropali: Po të them që ne marrim 19 ose 20 mandate. /Taulant Halili/ Boldnews.al
