Policia arrestoi me kërkesë të SPAK kreun e Kadastrës së Beratit Ervin Nelaj pasi gjatë hetimeve disa mujore ka rezultuar se përvetësoi shuma të caktuara parash duke nxjerrë leje legalizimi të ndërtimeve pa leje, në shkelje të ligjit.
Nelaj akuzohet nga SPAK duke u bazuar në përgjime dhe dokumente se në disa raste ka marrë para duke miratuar legalizimin e ndërtimeve pa leje edhe pse ligji nuk ia lejonte.
Në dosjen e SPAK në ngarkim të Nelajt, ku prokurorët kanë listuar akuzat si edhe provat, të cilat GJKKO i mori parasysh dhe dha sot masën e sigurisë arrest me burg për akuzën “Korrusion pasiv i personave që ushtrojnë detyra publike”.
Në dosje është dhe një përgjimi i Nelajt me një vartësen e tij, ku sipas SPAK ata flasin për një shumë parash që punonjësja duhet t’ia lejë shefit në tavolinën e tij pasi “kishin mbaruar punë” me legalizimin e një ndërtimi pa leje.
Sipas SPAK, Nelaj e udhëzon vartësen e tij se si të veprojë për mbylljen e dokumentacionit dhe nxjerrjen e lejes së legalizimit.
“Mbaji çik këto se unë i prish. Lëri tek sirtari aty poshtë”, është përgjuar në një bisedë Nelaj me vartesën e tij. SPAK pretendon se objekti i bisedës është një shumë parash, për të cilat ata flasin se si duhen hequr nga zyra.
PËRGJIMI
Ervin Nelaj: Hajde
Punonjësja: Të kujt? Aman se s’ma mban më se..
Ervin Nelaj: 60, 65, 70, 75
Punonjësja: Të kujt? Të voglin, ca e ka ai? Dallavenin? Kujt të vogël mo?
Ervin Nelaj: Po ai që thoshe ti që është afër…
Punonjësja: Diskaniti? Po dalë se Diskaniti nuk ka dalë ende..
Ervin Nelaj: Po ca e ke këtë Diskanin?
Punonjësja: Akoma dhe Diskani është shkëmb. Jo Ledon, prit njëherë për Diskanitin..
Ervin Nelaj: Çar ti bësh Diskanit?
Punonjësja: Se Elda tha unë e kam parë tek noterja, nuk është ashtu fare.
Ervin Nelaj: Mirë, na mbaji icik ti këto se mos i prish unë..
Punojësja: Ti prish unë
Ervin Nelaj: Unë i prish
Punonjësja: Leri njëçikë tek sirtari se vij i marr më vonë
Ervin Nelaj: Këtu tek sirtari i parë janë
Punonjësja: Se vij i marr unë më vonë me ndonjë dosje..
Ervin Nelaj: Dosje na mo dosjen ku e ke çu?
/Abc News/
