Analisti Baton Haxhiu njihet për mbështetjen e tij ndaj Kryeministrit Edi Rama. Madje shpeshherë për të është thënë se loboi për emërimin e Gent Cakajt si ministër i Jashtëm në Qeverinë Rama.
Dhe si një mbështetës i Ramës, nuk kishte si të ndodhte ndryshe që në një sondazh të tij, Haxhiu të mos e shpallte fitues kreun e PS-së në zgjedhjet e 25 prillit.
Sondazhin Baton Haxhiu e bëri publik mbrëmjen e djeshme në Opinion, teksa të panelistët hodhën dyshime të forta për vërtetësinë e atij sondazhi.
Megjithatë, Haxhiu ka vënë bast se nëse Rama nuk del fitues, ashtu siç është parashikuar, nuk do të dalë më në televizione.
“Nëse s’del sondazhi im që Rama fiton, unë s’dal më në TV. Çështje e mbyllur”, tha Haxhiu. Nuk dihet nëse analisti do të mbajë fjalën pas zgjedhjeve të 25 prillit.
