Sipas një studimi të një kompanie lodrash seksi në Mbretërinë e Bashkuar, ka disa gjëra që gratë nuk i duan gjatë seksit.
Pjesë e studimit ishte dhe sondazhi me titull “Sexual Happines”, gjatë së cilit u zbulua se gratë janë më të pakënaqura se burrat, në një marrëdhënie, përsa i përket jetës seksuale.
1- Gratë e duan paralojën
Nëse nuk ka mjaftueshëm paralojë përpara aktit, gjasat janë që seksi për gruan të mos jetë i kënaqshëm. Sigurisht, jo gjithmonë duhet paraloja sepse jo çdo moment është i njëjtë, por në pjesën më të madhe të rasteve, s’duhet të mungojë.
2- Gratë e urrejnë kur i theksoni pasiguritë
Në momentin që ju i përmendni pasiguritë për trupin e tyre, si mbipesha apo diçka tjetër, atëherë shkatërroni gjithë momentin. Tregojini partneres suaj, me fjalë dhe me vepra, se ajo mund të ndihet rehat dhe vetvetja me ju, pa u kompleksuar për asgjë.
3- Asnjë gruaje s’i pëlqen “narcisti”
Nëse jeni tipi i burrit që mburret vazhdimisht për aftësitë e tij seksuale, thjesht ndaloni. Nëse jeni i mirë në shtrat, ajo do e shohë vetë. Narcizmi seksual është i panevojshëm.
4- Mjaft pyetët vazhdimisht për orgazmën
Kjo ju bën të dukeni të pasigurt dhe të bezdisshëm. Thjesht shijoni momentin dhe diskutoni më pas, nëse diçka nuk shkoi apo çfarë mund të bëni ndryshe radhës tjetër.
5- Imitimi i asaj që shihni në porno: Një “jo” e madhe
Për shumicën e njerëzve pornografia është burimi i tyre i parë i informacionit në lidhje me seksin. Sidoqoftë, jo gjithçka që shihni është reale. Në pjesën më të madhe të rasteve, është krejt e kundërta. Nëse krahasoni vazhdimisht jetën tuaj seksuale me atë të videove pornografike, do të mbeteni të zhgënjyer, jo vetëm ju, por edhe partnerja juaj.
