Rreth dy vjet më parë Ministria e Financave njoftonte se po punonte për hartimin e një ligji të ri, që synon të krijojë një regjistër, i cili do të zbardhë emrat e pronarëve përfitues të kompanive të regjistruara në parajsat fiskale (offshore) me aktivitet në Shqipëri.
Fillimisht u mendua që ky regjistër të krijohej brenda kuadrit ligjor mbi të cilin funksionon Qendra Kombëtare e Biznesit, por më pas u pa e nevojshme që të punohej për hartimin e një ligji të veçantë për të cilin po merret dhe asistencë ndërkombëtare.
Ligji synonte krijimin e një regjistri që do të listojë pronarët përfitues të kompanive të regjistrura offshore, të cilët zotërojnë mbi 25% të kapitalit fillimisht dhe më pas, kufiri mund të ulet në 10%.
Pronësia do të jetë publike, e aksesueshme përmes internetit, ashtu siç është sot për kompanitë në Qendrën Kombëtare të Biznesit, ku cilido mund të hyjë në ekstraktin e një subjekti dhe të shikojë të gjitha të dhënat mbi këtë subjekt, nga data e krijimit, vendimet e ndryshme dhe deri tek bilancet financiare.
Por video e mëposhtme që po qarkullon në rrjetet sociale, tregon mënyrën se si qeveria bën në mënyrë hipokrite sikur do kontrollojë bosët shqiptarë të kompanive offshore. Për më shumë ndiqni videon për të kuptuar se çfarë po ndodh.
