Aksident i rëndë ndodhi mbrëmjen e sotme në fshatin Dedaj të njësisë administrative Qelëz, në Pukë.
Aksidenti i mori jetën një 50-vjeçari, i cili ra nga ura me motorçikletën e tij.
Ngjarja ndodhi në urën këmbësore mbi përroin e Ukthit.
Lin Marku, 50-vjeç, banor i zonës teksa po kthehej nga puna, në mirëmbajtjen e rrugëve, tentoi të kalojë me motoçikletën e tij përmes urës për këmbësorë.
Dyshohet se lagështira mbi urën prej dërrase ka bërë që motori të rrëshqasë, duke përfunduar në përrua.
Për pasojë 50-vjeçari ka humbur jetën menjëherë, si pasojë e plagëve të marra.
Fillimisht kanë qenë kalimtarë të rastit ata që kanë ngritur alarmin.
Më pas forcat e shërbimit zjarrfikës bënë të mundur nxjerrjen e trupit të pajetë nga ujërat e përroit të Dedajve.
Familjarët dhe banorë të zonës kanë identifikuar trupin e pajetë.
